04 dec 2020
Arsarnerit Inuusuttai –Young Northern Light 2020
Fonden for Entreprenørskab –Kalaallit Nunaata sapaatip akunnera kingulleq ukiumut unammisitsineq ingerlattagartik ”Arsarnerit Inuusuttai–Young Northern Lights”ingerlappaat.
Meeqqat atuarfianni 8. klassiniit 10.klassinut atuartut 35-it isumassarsiaqarluartut, suliniummik ingerlatsinerminnutatatillugu nutaaliorluni aallarnisaaneq sammisimavaat, taamaasillutik marlunngorneq novembarip 24-at dommerinut –Kalaallit Nunaanni inuussutissarsiutinik suliaqartiuneersunut –isumassarsiaminnik saqqummiipput.
Siunnersuutigineqartut ataasiakkaarlugit oqaaseqarfiginerata saniatigut isumassarsiorfissatut Kalaallit Nunaani aallarnisaasut inuusuttut ilaat Martin Nordlund Malou Mediameersoq saqqummiivoq, taassumalu aallarnisaasutut inuuneq qanoq innersoq saqqummiuppaa.Isumassarsiarpassuit akornanni isumassarsiat pingasut ajugaasutut toqqarneqarput, toqqaaniarnermilu isumassarsiap tigussaanera, isumassarsiap samminerani ilikkagaqarsinnaassuseq ajornartorsiullu aaqqiiffigineqarsinnaasoq aallaavigalugit naliliisoqarluni. 2020-mi unammisitsisoqarnerani”avatangiisit” sammineqarput, siunnersuutillu amerlasuut pinngortitami avatangiisimilu ajornartorsiutinut aaqqiissutissatut suliniutigineqarsimapput soorlu eqqakkanik immikkoortiterineq, pujortassaarneq, saliineq, imeq tarajulik imerneqarsinnaasunngortinneraassigisaallu.
Ajugaasullu tassaapput:
1.-inngortut ”Brætspilleq”–spillimi nunarsuarmi anguniagassat 17-it, ilikkagaqarnerunissaq piujuaannartitsinerlu sammineqarput. Spilleq atorlugu meeqqat inuusuttullu nunarsuarmi angunigassat 17-it paasisaqarfigisinnaavaat.
2.-nngortut ”eqqagassat” –taakkua robotiliorsimapput, taassumalu eqqagassat katersoriarlugit salissinnaavai assartorlugillu. Marlunnik sanasimapput, aappaa nunami biilit aappaalu immami umiatsiaq –taakkualu eqqakkanik katersisinnaapput.
3.-nngortut ”imeq tarajulik”. Taakkua FN-ip nunarsuarmut anguniagaanni nr. 6suliniuteqarfigisimavaat –taannalu tassaavoq nunarsuarmi inunnut tamanut imeq minguitsoq. Maskiinaliorsimapput, taannalu atorlugu imeq tarajulik salinneqarsinnaavoq minguitsunngortillugulu imerneqarsinnaatilerlugu.Maskiina piitsoqarfinniissinnaavoq, taamaalilluni tamanut imissaqartitsisilersinnaalluni”.
Siulersuisuni siulittaasoqJacob Nitter Sørensen tulluusimaaqaluni ima oqarpoq ”Nuannersorujussuuvoq aallarnisaaneq pillugu paasinnikkiartulerneq malinnaaffigalugu aammalu takusinnaalluni nutaaliorluni aallarnisaaneq Kalaallit Nunaanni atuarfeqarfinni sammineqartanera sunniuteqarpasittoq takullugu”Fonden for Entreprenørskab –Kalaallit Nunaata Naalakkersuisut, dommerit, ilinniartitsisut aningaasaliisut,Air greenland kiisalu Væksfondenqujaffigai.
Maya Natuk aamma Leaperiarfissaqalerput Danmarkimukarlutik Nutaaliorluni aallarnisaanerup 2021-p upernaanerani unammersuartitsisoqalerpat peqataasinnaanissaminnut, isumassarsiarisimasartillu ”Brætspil–Nunarsuarmi anguniagassat 17”unammissutigissallugu.