Atuarfik Hans Lyngemi atuartut marluk nutaaliorluni aallarnisaaneq pillugu apriilip 15-iat 2021-mi Danmarkimi unammersuartitsisoqarnerani peqataassapput

Atuartut ilinniartullu kajumissuseqalersinniarlugit kiisalu nutaaliorluni aallarnisaanerup iluani misilittagaat ilinniagaallu pissutsinut naleqquttuunissaat anguniarlugu ukiut tamaasa unammisitsineq, Arsarnerit Inuusuttaat, ingerlanneqartarpoq.

Unammisitsineq Kalaallit Nunaanni atuartunit ilinniartunillu peqataaffigineqarsinnaavoq, taannalu aqqutigalugu unammeqataasut isumassarsiatik tunisassiatillu dommerinut, inuussutissarsiorfinni ingerlatsisunut, saqqummiuttarpaat.
Unammisitsinermi ajugaasut Danmarkimi Nutaaliorluni aallarnisaanerup iluani unammersuartitsinermi peqataasarput.

**2020-mi ajugaasut**
Arsarnerit Inuusuttaat 2020-mi unammissutigineqarneranni Maya Natuk Rohman Fleischer Lea Christensenilu Nuummi Atuarfik Hans Lyngemeersut ajugaapput.
Niviarsissat spillimik nerrivimmut ilineqartartumik pilersitsisimapput, tassanilu nunarsuarmi anguniagassanut 17-init aallaaviusimallutik.

DM-imi peqataaneq
Sisamanngorneq apriilip 15-iat niviarsissat ilinniartitsisortik Nivi Kriegel peqatigalugu Danmarkimi nutaaliorluni aallarnisaanermi unammersuartitsinermi unammeqataassapput, peqataasut Danmarkiminngaanneerlutilllu Savalimmiuninngaanniissapput. Corona peqqutaalluni unammersuarneq nittartakkatigut ingerlanneqassapput.