FONDEN FOR ENTREPRENØRSKAB KALAALLIT NUNAAT AALLARTIPPOQ 2018-IMILU SULIATIK INGERLATIINNASSAVAAT

Fonden for entreprenørskabip suliani Kalaallit Nunaanni aallartippai, maannakkullu suliffeqarfiup toqqammavissani suliaralugu aallarteqqammerpaa, siunertaavorlu inuusuttut nutaaliorluni aallarnisaanissamut tunngasunik maannakkumut siunissamullu piginnaanngorsarneqarnissaat.

2017 suliffeqarfimmut pingaaruteqartorujussuusimavoq ingerlalluarfiusimasoq misilittagaqarfiusimasorlu, 2018-imilu suliffeqarfiup siulersuisussai ivertinneqassapput, maannakkumullu immikkoortortaqarfimmi aqutsisortaarnikuuvugut Fonden for Entreprenørskab Kalaallit Nunaallu allaffeqarfeqatigiinni ”idé-fabrikken (kalaallisut: isummersortarfik)”-imi allaffittaarnikuulluni. Julie Rademacheri immikkoortortaqarfimmi aqutsisortaaq ima oqarpoq:

”Uagut siunertaraarput nutaaliorluni pilersitsisinnaassutsip siuarsarneqarnissaa aammalu ABC-miit PhD-mut pilersitsisinnaasunik amerlanerusumik pilersitsinissaq. Nunani allani misilittakkat takutippaat meeqqat inuusuttullu atuarnerminni nutaaliorluni aallarnisaasinnaassuseq misilittaaffigiliaarsimagaangamikku sunniuteqarnerusartoq – taamaaliornikkullu Kalaallit Nunaanni pilersitsisinnaasut amerlanerusut siunissami naatsorsuutigineqarsinnaassasut. Taamaattumik maannakkut suliamik pingaaruteqarluinnartumik periarfissarpassuaqartumik aallartitsisimavugut.”   

Nutaaliorluni aallarnisaaneq pillugu ilinniartitsisinnaanermut pikkorissartitsinerit aallarnisaanermilu unammersuarneq

2017-ip ingerlanerani Fonden for Entreprenørskabiminngaanniit ilinniartitsisut siulliit pikkorissartinneqarput aallarnisaanerlu pillugu Nuuk Centerimi unammersuartitsisoqarluni, unammersuarnerlu ”Arsarnerit Inuussuttai – Young Northern Lights” –imik taajuuserneqarsimavoq, meeqqat inuusuttullu 300-rujut missai peqataapput, taakkualu 4.klassiminngaanneerput, 7./8.klassiminngaanneerput, ilinniarnertuunngorniarfimminngaanneerput ilinniaqqiffinninngaanneerlutillu. Unammisitsinerlu ingerlanneqarpoq inuussutissarsiorfiit, ilinniarfeqarfiit soqutigisaqaqatigiillu suleqatiginerisigut.

Nuummiit Sisimiunut

Tamannali tamaanga killeqanngilaq. Fonden for Entreprenørskab sapaatip akunneri tamaasa ineriartorpoq, ukiullu tulliani sosoqartitsinerit Nuumminngaanniit Sisimiunut siaruartinneqassapput, nunalu tamakkerlugu suliagut tigulluarneqartarput tapersersorneqartarlutillu.

Fonden for Entreprenørskabimut, 2018-imut aningaasanut inatsimmit aningaasalerneqarsimasimut, pingaarutartorujussuuvoq tunngavissanik pitsaasunik pilersitsinissaq, aammalu inuussutissarsiuuteqarfinninngaanniit aningaasaliisut, ilinniarfeqarfiit soqutigisaqaqatigiillu tamarmik peqatigalugit meeqqanut inuusuttunullu nuna tamakkerlugu susassaqartitsisarumaarpugut periarfissiisarumaarlutalu:

”Siunissami suliassatsinnut erinisuppugut aammalu meeqqat inuusuttullu sinnattuminnik piviusunngortitsisinnaanissaannut kaammattorusuppagut tamannalu inuiaqatigiinnut tamanut siuarsaaqataajumaarpoq. Massakkummi ineriartortitassagut naatissavagut”

 

Julie Rademacher

Immikkoortortaqarfimmi aqutsisoq+299 547828  | JulieR@FFE-YE.dk

Fonden for Entreprenørskab Kalaallit Nunaat

Nuukullak 32  |  3900 Nuuk  |  http://gronland.ffe-ye.dk/

”Fonden for Entreprenørskab – Kalaallit Nunaata inuusuttut nutaaliornissamut, namminersorsinnaanissamut pilersitsinissamullu tapersersorpai.”