Kalaallit Nunaanni inuussutissarsiorfinniit ilinniarfeqarfinniillu inuit nukissaqaqisut inuusuttut aallarnisaarusulernissaannik suliaqassapput

Aggustip 28-anni Fonden for Entreprenørskab – Kalaallit Nunaanni siulersuisut 13-it nutaaq saqqummiunneqarput. Siuleruisut nutaat, inuussutissarsiorfinninngaanneerlutillu ilinniarfeqarfinninngaanneersuupput, taakkulau Kalaallit Nunaanni ilinniarfeqarfinni nutaaliorluni aallarnisaanerup ilinniartitsissutigineqartarnissaa sulissutigissavaat, taamaasiornikkummi Kalaallit Nunaanni meeqqat inuusuttullu siunissami sulinialerunik sakkussaqarluarnerussammata.

 

Ukioq kingulleq nalunaarusiaq Nordic Entrepreneurship Islands saqqummerpoq, tassanilu ersersinneqarpoq Kalaallit Nunaanni nutaaliorluni aallarnisaanerup ilinniartitsissutigineqartarnera annikitsuararsuusoq. Taamaattumik Namminersorlutik Oqartussat Fonden for Entreprenørskabi suleqatiserivaat, Kalaallit Nunaanni atuarfeqarfinni ilinniarfeqarfinnilu nutaaliorluni aallarnisaanerup siammarsarneqarnissaa atuutsinnerulerneqarnissaalu anguniarlugu.

Ippassaq Fonden for Entreprenørskab – Kalaallit Nunaat siullermeerluni siulersuisunut ataatsimiisitsivoq, taassumalu kingorna siulersuisut saqqummiunniarlugit tusagassiortunik qaaqqusisoqarluni.

Kalaallit Nunaanni ineriartornermut nutaaliorluni aallarnisaanermi ilinniartitsineq iluaqutaassaaq
- Nuannaarutigeqaara nutaaliorluni aallarnisaanerup ilinniartitaanerup iluani isiginiarneqalermat. Nutaaliorluni aallarnisaanerup meeqqanut assigiinngitsorpassuarnik aqqutissaqartoq takussutissiisarpoq, aammalu isumassarsiatsialammik aallaavilimmik suleriuseqartoqarsinnaasoq takussutissiilluni, pisariaqanngilarmi ”nalinginnaasumik” suliffeqartoqartuaannarnissaa. Ilinniarfeqarfiit inuussutissarsiorfiillu suleqatigiinnerisigut atuarfiit ilinniartitsisorpassuillu suliniarnerminnut pingaaruteqaqisumut sakkussaminnik tunineqassapput, taama oqarpoq Ilinniartitsisut Meeqqat Atuarfianneersut Kattuffianni siulittaasoq, Fonden for Entreprenørskab – Kalaallit Nunaannilu siulersuisuni ilaasortanngortoq, Birthe Møller Therkildsen.

Fonden for Entreprenørskab – Kalaallit Nunaat 13-nik siulersuisutaapoq, taakkualu Kalaallit Nunaanni inuussutissarsiorfinneerlutillu ilinniarfeqarfinneersuupput. Ataatsimoorlutik Kalaallit Nunaanni suut sammineqartassanersut inissiiffigissavaat qulakkeerniartussaallugulu Kalaallit Nunaanni meeqqat inuusuttullu ilinniartitaanerup iluanni siunissami sulilernissaminnut piareersarluarneqarnissaat.

- Kalaallit Nunaat aningaasaqarnikkut imminut napatissaguni, taava aningaasaqarneq ullumikkumut sanilliutissagaanni namminersortuninngaanniit annertunerusut isaatinneqartariaqarput. Taamaaliortoqassappallu pingaarteqarpoq amerlanerusut namminersorusussuseqarnerulissasut sapiinnerulissasullu. Ilinniartitaanerup iluani nutaaliorluni aallarnisaaneq sammineqartalerpat immaqa taava inuusuttut amerlanerit namminersorusussuseqarnerulissapput, taamaasiornikkullu Kalaallit Nunaata siunissaanut pingaaruteqarnerusumik inissisimalissallutik, taama oqarpoq Sulisitsisuni pisortaaneq, Brian Buus Pedersen.

Siulersuisut aaliangersimasut toqqarneqarput
Fonden for Entreprenørskab – Kalaallit Nunaat ukioq kingulleq pilersinneqarpoq, tassanngaanniillu Danmarkimi nuna tamakkerlugu allattoqarfiup Kalaallit Nunaanni suliaqartussanik siulersuisutaarnissaq sulissutigineqarsimalluni.

- Aningaasaateqarfiup siulersuisui nutaat eqqarsaatigilluakkamik toqqarneqarput, taamaasiornikkummi qulakkeerneqassagami Kalaallit Nunaanni atuarfeqarfinni ilinniarfeqarfinnilu nutaaliorluni aallarnisaanerup ilinniartitsissutigineqartarnissaata siammarsarneqarnissaa. Siulersuisut ilinniartitaanerup inuussutissarsiornerullu iluanni piginnaasaat aallaavigalugit toqqarneqarput, toqqaaniarnermili aamma nunap sortaani inissisimaneq suiaassuserlu aamma eqqarsaatigineqarsimallutik. Suleqatigiilernissarput erinigeqaara, taama oqarpoq Fonden for Entreprenørskabimi pisortaaneq, Christian Vintergaard.

Siulersuisut nutaat tassaapput:

Brian Buus Pedersen, Sulisitsisut
Anette Lings, Hotel Sisimiut
Julia Pars, Visit Greenland
Mikael Thinghuus, Royal Greenland
Thomas Tyt Mogensen, BankNordik
Sarah Rødgaard, Qaqortumi atuarfiup skoleinspektøria
Christian Wenneke, Greenland Business
Juliane Henningsen, Arctic Circle Business
Marie Fleischer, Mittarfeqarfiit
Jakob Nitter Sørensen, Air Greenland
Gitte Adler Reimer, Ilisimatusarfik
Birthe Møller Therkildsen, IMAK/ Ilinniartitsisut Meeqqat Atuarfianneersut Kattuffiat
Christian Vintergaard, Fonden for Entreprenørskab

Fonden for Entreprenørskab – Kalaallit Nunaat pillugu
Ilinniarfeqarfinni atuarfeqarfinnilu nutaaliorluni aallarnisaanerup ineriartortinneqarnissaa anguniarlugu Kalaallit Nunaanni Namminersorlutik Oqartussat qallunaat aningaasaateqarfiat, Fonden for Entreprenørskab, suleqatigalugu Fonden for Entreprenørskab – Kalaallit Nunaat pilersippaa.

Fonden for Entreprenørskabi arfineq-pingasunik immikkoortortaqarfeqarpoq, immikkoortortaqarfiillu immikkut tamarmik siulersuisoqarlutik, 2017-imilu allattoqarfik Kalaallit Nunaanni pilersinneqarpoq, tassanilu Julie Rademacheri immikkoortortaqarfimmi aqutsisussatut toqqarneqarsimalluni.

Fonden for Entreprenørskab – Kalaallit Nunaata siunertarivaa atuarfeqarfinni ilinniarfeqarfinnilu nutaaliorluni aallarnisaanerup iluani ilinniartitsinerup inerisarneqarnissaa atuutsinneqarlernissaalu.

Fonden for Entreprenørskab – Kalaallit Nunaanni siulersuisut aggutsip 28-ianni tusagassiortunik aggersaanermi saqqummiunneqarput.

http://gronland.ffe-ye.dk/ -imi http://ffe-ye.dk  -imiluunniit paasisaqarnerusinnaavutit.

 

Sukumiinerusumik paasisaqarusukkuit saaffigineqarsinnaapput

Christian Vintergaard, Fonden for Entreprenørskabimi pisortaaneq oqar. +45 2875 4191 e-mailikkulluunniit christian@ffe-ye.dk

Birthe Møller Therkildsen, ilinniartitsisut kattuffianniit, IMAK-miit 54 33 39 emailimulluunniit bth@imak.gl

Brian Buus Pedersen, Sulisitsisuni pisortaaneq, oqar. 36 37 10 e-maililuunniit pedersen@ga.gl