Nutaaliorluni aallarnisaanerup atuartitsissutigineqartarnera pillugu webinarertitsineq

Atuarfik Kilaaseeqqami Maniitsullu eqqaani nunaqarfinni ilinniartitsisunut nutaaliorluni aallarnisaanerup atuartitsissutigineqartarnera pillugu webinarertitsineq

Fonden for Entreprenørskab Kalaallit Nunaanni ukioq manna neqeroorutigineqarsinnaasoq siulleq tassaavoq Atuarfik Kilaaseeqqami Maniitsullu eqqaani nunaqarfinni ilinniartitsisunut nutaaliorluni aallarnisaanerup atuartitsissutigineqartarnera pillugu webinarertitsineq. Webinartertitsineq ullumi marlunngorneq februaarip 16-iat 2021 ingerlanneqassaaq.

 

Webinar aqqutigalugu Maniitsumi nunaqarfiinilu ilinniartitsisut nutaaliorluni aallarnisaanerup nutaaliorsinnaanerullu suussusaa saqqummiunneqassaaq, taakkualu atuartitsinerni qanoq atorneqarsinnaaneri aamma paasissutissiissutigineqassallutik.

 

Coronap ajornartoortitsinera unammilligassallu allat peqqutigalugit ajoraluartumik Maniitsumut ornigulluta pikkorissaatitsisinnaanngilagut. Taamaattumillu pikkorissaaneq webinaritut ingerlanneqassaaq.

 

Ornigulluta pikkorissaasinnaannginnerput peqqutigalugu arlaatigut iliuuseqalaarusussimavugut. 

Naak ataatsimoorsinnaanngikkaluarluta ataatsimoornissaq siunertaralugu peqataasussanut tamanut atortussanik, ataatsimoornerullu nalaani nuannisassutaalaarsinnaasunik nassiussivugut.

 

 

Fonden for Entreprenørskab Kalaallit Nunaata 2021-p ingerlanerani illoqarfinnut angalaarlutik nutaaliorluni aallarnisaanerup ilinniartitsisunut pikkorissaatitsissutigineqarnissaa ingerlatissavaa.

Pikkorissaanissat pillugit sumiiffiit ullullu kingusinnerusukkut facebookikkut nittartakkakkullu saqqummiunneqarumaarput. Paasissutissattaaq atuarfinnut nassiunneqarumaarput.

 

Tikinnissarsi ilassilaarnissarsilu qilanaaraarput