Meeqqat atuarfianni ilinniartitsisut nutaaliorlutik aallarnisaaneq pillugu ilinniartitsisinnaanissaannik suliniuteqartussat Ilinniartitsisutsialaat nukittorsarneqarput

Nuannaatutigalugu saqqummiukkusuppagut nunatta seneriaani ilinniartitsisunik ilinniartitsisussat.

Rena Kriegel Mikkelsen, sammisaq pillugu atuartitsinermik misilittagaqarnerpaat ilaat, Rena 2017-imili Fonden for Entreprenørskab-Kalaallit Nunaannit Ilinniartitsisutsialattut ilinniartinneqarsimavoq.

Rena Ilinniarfissuarmi ilinniartitsisuuvoq.

Nukappiaraq (Nukappi) Kristiansen Upernaviup avannaanit Tasiusameerpoq. Nukappip nutaaliorluni aallarnisaaneq assut soqutigisaralugulu ingerlataraa.

Nukappi Ilinniarfissuarni ilinniartitsisunngorniaavoq.

Andrie Sørensen ukiuni 25-ni ilinniartitsisuusimavoq assigiinngitsorpassuarnillu misilittagaqarlunilu ilinniaqqinnikuuvoq.

Andrie Aasianni Gammeqarfimmi illinniartitsisuuvoq.

Christina Brandt, Kangaatsiameersuuvoq ukiunilu 17-ini ilinniartitsisutut sulisimavoq, sulinera annerpaaq Qeqertarsuup Atuarfiani ingerlanneqarsimavoq. Christina atuarfinnut iluaqutaasunik misilittakkanik ilinniakkanillu ulikkaarpoq.

Vivi Noahsen Inuiaat Kulturiat Oqaluttuarisaanerallu pillugit Cand. Mag.-itut ilinniarnikuuvoq, taassumalu saniatigut aallarnisaasutut siammarterisutullu misilittagaqarpoq. Vivi ilinniartitsinermik misilittagaqarpoq aammalu meeqqanik inuusuttunillu sullissinikuulluni.
Vivi Nunatta Allagaateqarfiani allagaateqarfiup aqutsisorivaa.

Jula Maesgaard-Hoffmann Tysklandimeersuuvoq 2018-imilu Nuummut nuussimalluni. Jula ilinniagaa tassaavoq MScSocSc in Management of Creative Business Processes Copenhagen Business Schoolimi ingerlanneqarsinnaasoq.
Jula Kommuneqarfik Sermersuumi Kulturimut Aaqqissuussinermullu immikkoortortaqarfimmi AC-fuldmægtigitut atorfeqarpoq.

 

Sapaatip akunnera 26-mi Ilinniartitsisutsialaat Nuummi naapissapput, tassanilu ilinniartitsisunut ilinniartitseqqinnissaq pillugu ulluni pingasuni ilinniartinneqassallutik.