Arsarnerit Inuusuttai, Young Northen Lights - Greenlands Student Entrepreneurship Fair
Peqataasunut tamanut qujanarujussuaq tamassi unammisitsineq nuannersuutipparsi.
Ullup ingerlanerani ajugaasut sisamat nassaarineqarput:
4. Klasse Hold 1 Atuarfik Hans Lyngeminngaanniit,
Projekt Edisonimi 7.-8. Klassinut unammisitsinermi Team AfriQUA Atuarfik Hans Lyngeminngaanniit ajugaapput
Inuusuttut ilinniarfianiittunut unammisitsinermi Niuernermik Ilinniarfimminngaanniit IE-kkut ajugaapput
Ilinniarfimmiunik unammisitsinermi ajugaasut tassaapput Niuernermik Ilinniarfimminngaanniit Qarasaasialerinermi aqutsisutut aammalu teknologi pillugu ilinniartut Hold 1.
Ajugaasut pingasut Danmarkimi Danish Entrepreneurship Award-imut peqataajartussapput, unammisitsinerlu novembarip 16-iani ingerlanneqassaaq. Ajugaasuni nukarlersaasut atuaqatitik tamarmik peqatigalugit biografernissaminnik pinnapput.
Ajugaasut tamarmik pilluaqqungaarpagut ️
Ataani unammisitsineq pillugu atuaqqissinnaavutit.
Arsarnerit Inuusuttai, Young Northern Light tassaavoq Kalaallit Nunaanni meeqqanut inuusuttunullu isumassarsianut unammisitsineq. Unammisitsinermilu unammissutigineqarput atuartut ilinniartullu ukiaq tamaat isumassarsiatik aallaavigalugit suliarisimasaat. Young Northern Lightsertoqarneranilu isumassarsiatik pillugit ilisimasalinninngaanniit suliat pillugit utertitsiffigineqarsinnaapput saniatigullu aamma unammisitsisoqarluni pinnatassallu tassaallutik Danmarkimut angalassutissat allallu.
Unammisitsinermi isumassarsiat unammissutigineqarput, tassanilu aamma suut tunngavigalugit nalilersuisoqarsinnaanera sinaakkusersorneqarsimalluni. Nalilersuutigineqartuni soorlu isiginiarneqarsimasut ilagaat isumassarsiap pitsaassusaa, naleqassusaa piviusunngorsinnaassusaalu. Nalilersuinissamut sinaakkutaasimasut ilinniarfeqarfiit qaffasissusaat aallaavigalugit inississorneqarsimapput, taakkualu uani quppernerup sinaani nassaarineqarsinnaapput. Isumassarsiap suusinnaanissaanut piumasaqaasersortoqarsimanngilaq.
Sumi qaqugulu?
Sisamanngorneq novembarip aappaat nal. 10.00-imiit 14.45-ip tungaanut Nuuk Centerimi, Imaneq 1, 3900 Nuuk. Ullormut programmi quppernerup sinaani nassaarineqarsinnaavoq.
Suut pinnatassaappat?
Pinnatassani pingaarnerpaat: 4.klassini ajugaasut atuaqatigiit ataatsimut biografissutissaat. 7.-8.klassimilu atuartut teameqatitik ilinniartitsisortillu peqatigalugit Danmarkimi Danish Entrepreneurship Awardimi, Projekt Edisonimi, unammersuaartitsisoqarnissaanut peqataanissaq. Inuusuttut ilinniarfinninngaanneersunut ilinniarfinnilu ilinniartunut pinnatassaq annerpaaq tassaavoq teameqatit ilinniartitsisortillu peqatigalugit Danmarkimi Danish Entrepreneurship Awardimi isumassarsiamik unammisitsisoqalerpat peqataanissaq.
Qanoq ingerlatsisoqassava?
Teamit tamarmik nerriveqassapput, tassanngaanniillu dommerinut isumassarsiartik oqaluttuarissavaat saqqummiutissallugulu. Teamit saqqummiussinissaminnut 4 minutsinik periarfissaqarput, taassumalu saniatigut 4-5 minutsinik dommerinik oqaloqateqarsinnaanissaminnik utertsitsiffigineqarsinnaanissaminnillu periarfissinneqassallutik. Dommerininngaanniit oqaloqateqarneq ataatsimut 10 minutsit missaannik sivisussuseqassaaq. Dommerit teamit tamarmik ataasiakkaarlugit pointelersussavaat, taakkualu atorlugit naggataatigut pointit katiterneqassallutik. Naatsorsuutigaarpullu teamit tamarmik ullup ingerlanerani marloriarlutik dommerininngaanniit alakkarneqarumaartut. Nalilersuinerit naammassippata pointit katinneqassapput taakkualu atorlugit kikkut ajugaanersut takuneqarsinnaalissallutik.
Ilinniartitsisunut arlaannik pilersaarusiortoqarpa?
Ajoraluartumik workshopertitsinissarput taamaatiinnartariaqarsimavarput pisinnaajunnaartoqarsimanera peqqutigalugu. Tamannalu ajuusaarutigisorujussuuvarput. Taamaakkaluartoq unammisitsisoqarnerani aggerlusi oqaloqatigiartorsinnaavatsigut, suleqatigillu Danmarkimiittut saaffiginissaanut aamma periarfissaqarlusi. Ikiorsinnaavatsigit, siunnersorsinnaavatsigit isumassarsioqatigisinnaallusilu.
Ullup qeqqasiortoqarnerani aliikkusersuisoqassaaq kingusinnerusukkullu scenemi panelimi oqallitsitsisoqassalluni.
*Danish Entrepreneurship Award tassaavoq Danmarkimi atuartunut ilinniartunullu isumassarsiat pillugit unammersuiartitsinerit annersaat 7000-it missaannit peqataaffigineqartartoq. Taanna ingerlanneqassaaq Fredericiami, Messe C-mi novembarip 16-iani. Tamanna pillugu paasisaqarnerorusukkuit uani atuaqqissinnaavutit.
Arsarnerit Inuusuttai, Young Northern Lights, pillugit paasisaqarnerorusukkuit saaffigisinnaavatit:
Fonden for Entreprenørskab
Suliamik ingerlatsisoq Pernille Rasmussen
Mail: Pernille@ffe-ye.dk
Oqar.: + 45 65 45 24 28
Imaluunniit
Georgine Graversen
Imikkoortortaqarfimmi Ingerlatsisoq - Regionsleder
+299 49 28 28
Fonden for Entreprenørskab Kalaallit Nunaat
Imaneq 32, 1 sal | 3900 Nuuk | http://gronland.ffe-ye.dk