Aaqqissuussanut freelanceritut sulisinnaasumik ujaasivoq
”Meeqqat atuarfiannit ilisimatusarfiup tungaanut nutaaliorluni aallarnisaanerup siammarterneqarnissaanut suleqataanera pingaarteqaara. Ikiorusuppinga?”
Fonden for Entreprenørskab-Kalaallit Nunaat aaqqissuussanut freelancetut suliaqarsinnaasumik ujartuivoq. Suleqataasussap Kalaallit Nunaanni ilinniarfinni nutaaliorluni aallarnisaaneq siammartereqataaffigissavaa aaqqissuussat attaveqariaaserlu aqqutigalugit.
Suliassat
Eventprojektleder:
- Arsarnerit Inuusuttaasa ingerlannissaannut A-Z-mut aaqqissuussineq
- Atuartunut ilinniartunullu nutaaliorluni aallarniaanerup iluani aaqqissuussanik allanik aaqqissuineq
Attaveqaqatigiinneq:
- SoMe-kkut saqqumilaarneq pitsanngorsaaffigissavaa
- Attaveqaatinut suliaqartussanullu attassineq attaveqarnerlu
Mikrolegatit:
- FFE-KN-imut Kalaallit Nunaannullu tulluarsakkamik aallartisaaneq.
Suliagut amerlasuut ingerlanneqartarput Kalaallit Nunaannit Danmarkimillu suleqatigut peqatigalugit.
Tunuliaqut
Naatsorsuutigaarput:
Aaqqissuussanik aaqqissuinernik ilisimasaqassasutit misilittagaqassasutillu.
Attaveqarnermut nittarsaassinernullu tunngasunik misilittagaqassasutit.
Kalaallit Nunaanni ilinniartitaanermut tunngasunik ilisimasaqassasutit.
Neqeroorutigisinnaasagut
– suliffik tamatigoortoq eqaatsorlu. Suliassanut akisussaaffittalik inuiaqatigiinnillu soqutigineqaqisoq tapersersorneqaqisorlu.
Siulersuisut FFE-KN-imilu sulisumit tapersersorluarneqarneq.
Suliffik freelancetut ingerlanneqassaaq 1. januar 2022-mit 31. august 2023 tungaanut- Piffissami tassani konsulentitut akunnermusiaqassaatit, qaammatillu ilaanni suliassaqarfiuallaarnavianngilaq, ilaannili ulapaartoqartassaaq nuannisartoqassallunilu.
Piginnaasanut naleqquttumik akissarsisitsisoqassaaq.
Qinnuteqarnissamut killiliussaq:
Kingusinnerpaamik qinnuteqaat nassiunneqariissaaq 1. December 2021. Qinnuteqaammi ilanngunneqassapput: qinnuteqaammut allangaqaat CV-erlu.
Qinnuteqaat uunga nassiunneqassaaq:
|
Attavissaq Mette Steenholdt Imikkoortortaqarfimmi Ingerlatsitsisoq - Regionsleder +299 48 25 28 / mette_s@ffefonden.dk Issortarfimmut 1 | 3905 Nuussuaq |http://gronland.ffe-ye.dk |