Suleqatigiinneq ukiunik marlunnik sivitsorneqartoq

Sulisitsisut Fonden for Entreprenørskab-Kalaallit Nunaatalu suleqatigiinnerat ukiunik marlunnik sivitsorneqarma

Nuannaarutigalugu nalunaarutigissavarput Sulisitsisut Fonden for Entreprenørskab-Kalaallit Nunaatalu suleqatigiinnerat ukiunik marlunnik sivitsorneqarmat. Suleqatigiinnissamut isumaqatigiissut aqqutigalugu ilaatigut ukiumut 10.000,00 kr.-it tapiissutigineqartassapput, taassumalu saniatigut ilisimasaqarfiit pillugit siunnersoqatigiittoqartassalluni.

Sulisitsisunit siunissami inuussutissarsiorfissat suliffeqarfissallu soqutigineqaqaat, Fonden For Entreprenørskab – Kalaallit Nunaannullu isumaqatigiissuteqarnermut atatillugu Sulisitsisuni pisortaaneq Christian Keldsen ima oqaaseqarpoq: ”Siunissami inuussutissarsiorfiit aaqqissuussaanerat ullumikkut ilisimasatsinnit allaanerusussaavoq, tassungalu killinnissarput eqqarsaatigalugu meeqqat inuusuttullu piareersarneqarnissaannut uagut aamma suleqataassaagut. Siunissami sulisoriligassagut maanna atuarput taakkualu isumassarsiorluartinneqariarunik Kalaallit Nunaannut nutaaliaanerusumut piareersarluarneqassapput.”